「以前嘅我，係一個典型港女，比較注重物質上嘅生活。喺銀行番工，每日就淨係得番工放工，放假就淨係識行街shopping，根本冇咩嗜好目標。」
「加上有時銀行工作好忙，又大壓力，根本抽唔到時間做運動。慢慢，肚腩同拜拜肉就開始現型，仲攪到俾身邊朋友笑我肥過部電單車！」
「直到有日，蝦叔送咗隻運動手錶俾我，鼓勵我同佢一齊跑步。」
「啱啱接觸長跑，其實都唔係即刻就愛上。仲記得頭幾次跑唔夠幾公里就已經扯曬蝦頂唔順，感激蝦叔嘅陪伴，我先慢慢發掘到當中嘅樂趣，慢慢就由最初只為減肥，變成愛上咗呢項運動」
「之後我就開始建立左自己嘅個人專頁，得閒就share 下自己跑步嘅生活，發現原來都有唔少人會欣賞同關注自己寫嘅野，就決定寫多啲有營養嘅野，分享多啲跑步嘅資訊。」
「透過長跑，我不斷挑戰自己嘅極限，並從中重新認識自己。係19年嘅北海道馬拉松仲跑出唔錯嘅成績，仲達標參加波士頓馬拉松添！」
「女神嘅定義？女神個神咪係「挑戰精神」個 神囉！我話嘅！」
「我以前做開空姐秘書，鍾意周圍飛周圍去，食下美食影下相，得閒就寫下blog。」
「以前真係以為生仔只係痛一陣，直到自己真係有兩位小朋友嘅時候先知背後嘅壓力」
「仔仔啱啱出世嘅時候需要訓箱仔，又要入ICU ，隔多兩日又要照燈黃膽，經常需要去健康院覆診；另一邊廂，女女又有濕疹問題。」
「嗰陣自己一個人照顧兩位小朋友已經手忙腳亂，佢地仲要咁多病痛。一方面替佢地擔心；另一方面，自己亦都好自責同崩潰。加上睇完好多網上嘅資訊同身邊人嘅唔同意見，攪到日日自己嚇自己。」
「好彩有老公嘅鼓勵同支持，佢知照顧小朋友好辛苦，除咗幫我手一齊照顧之外，佢亦都鼓勵我搵番自己嘅興趣，喺屋企寫吓嘢影吓相。而呢個亦都係《4月媽媽手記》嘅起源。」
「做媽媽，唔一定放棄自己嘅生活，應該以身作則，活出美麗」
「原本只係想分享下自己同BB 嘅生活，後來知道原來有好多媽媽會留意我分享嘅野。所以我就希望可以將自己嘅心路歷程，分享俾其他媽媽。只有識得喺自己同小朋友嘅生活取得平衡，先可以樹立到榜樣俾佢地睇。」
「希望其他媽媽記住，就算面對住幾多既難關，只要做好本分就可以坦然面對。」
旺角店長, 任職5年半
「我係Musee Platinum 到已經做咗美容師5年，喺呢度令我成長咗好多。」
「疫情期間美容院一時停業，一時又開番，作為美容師，收入自然首當其衝受到影響，但其實更影響嘅係心理健康。突然間無野做，淨係可以匿埋喺屋企。」
「喺呢段最黑暗嘅時期，竟然咁啱有左BB，成件事真係好晴天霹靂，一時間百般滋味在心頭。個陣大住肚番工，每日都要見客，接觸好多不同的人，又要出入醫院呢啲高危地方做產檢，都好擔憂」
「好感恩身邊一直都有黎自朋友、家人，甚至公司老闆嘅關心同打氣。佢地鼓勵我喺屋企冇野做嘅時候就做下瑜珈，平伏自己嘅情緒。有咗佢地嘅支持，我先可以調整番心態，鼓勵番自己！」
「同自己講！今日你將會有美好嘅事發生！」
「好好彩，喺實施停止陪產管制前一日生bb。」
「而家嘅我，keep 住有做瑜伽，瑜伽幫我搵番自己嘅平靜。處理好自己嘅情緒，先可以俾到小朋友需要嘅溫暖。未來我希望可以用希望可以繼續用更多嘅愛去關心客人，同幫助其他人。」
「其實我以前都係一個極度貪靚嘅女仔，但自從我迷上了咗山野生活之後，自己看待好多事情嘅時候都豁達咗很多；曬黑咗...又點喎～當呢一個就係我喜歡嘅自己嘅時候，都已經冇咩好介懷嚕～」
「我一直以黎都好想成為室內設計師，好多人聽落都會以為係一個好講「創意」、有機會表現自我風格嘅職業；但現實往往都事與願違。」
「啱啱入行嗰陣，作為一個初出茅廬的新鮮人，工作上不但冇咩創作空間，壓力亦遠高於成功感。刻版嘅工作，用唔着讀書嗰時嗰啲天馬行空有趣嘅概念，每日都好似係個石屎森林入面營營役役。漸漸，設計師嘅工作亦變得枯燥乏味，自已好似慢慢咁成為一具行屍走肉，因此想為自己帶來一啲新衝擊！」
「正當我想搵一啲值得寄情嘅喜好嗰時，咁啱撞正失戀...人生頓時好似跌左落低谷。」
「我好想發洩心中一直壓抑嘅情緒，呢個時候有朋友拉埋我一齊行山，意外地，令我發現咗一個未曾想像過，全新嘅自己。」
「朋友帶我走上西貢海下，望住一望無際的海景和山脈，我突然開竅，發現大自然嘅美！」
「山上的自然美同真實感令人豁然開朗，同平時周圍嘅石屎森林好大對比，喺山頂望番落去嘅景色好有滿足感，為工作及生活帶黎好多靈感。行山亦改變左我嘅生活態度，教我欣賞最真實嘅自然美，其實自然先係最靚嘅。」
「之前我是個太內向、執著嘅人。山野，卻令我變得更加豁達。而家我就算聽到外界對自己嘅無理批評，我都唔會太上心，因為大自然教識咗我要豁達面對。」
